අපි ටිකක් වෙනස් විදියට හිතමු

පුංචි සරළ රූප රාමු පෙළක් මට හමු වුණා.. ඒක බැලූ බැල්මට විහිළුවක්. ඒත් වචන ගණනාවකින් කියන්න බැරි ගොඩක් දේවල් මේ රූප රාමු පෙළෙන් කථා වෙන හින්දා මේක ඔයාලත් එක්ක බෙදා ගන්න මම තීරණය කළා.
සරළව ඒ රූප රාමු පෙළේ කථාව මට දැණුන විදියට මෙහෙමයි.
එක්තරා පුංචි බලූ පැටියෙක්......කැලේ තනියම ජීවත් වෙන, එයාට පුංචි ගහක් මුණ ගැහෙනවා. බැලූ බැල්මට එයා නරක වැඩක් කරන්නේ, ඒත් ශිෂ්ඨ අපේ සමාජයට ඒක වරදක්.. දන්නවද? සුනඛයින් එයාලගේ අයිතිය තහවුරු කරන්නේ මුත‍්‍රා කරල. පුංචි උදාහරණයක් දෙන්නම්, ගෙදරක සුරතලේට සුනඛයෙක් ඇති කරනවනම් දැකල ඇතිනේ ගෙදරට අයිති සීමාව එයා ලකුණු කර ගන්න විදිය ගැන.
කාලෙත් එක්ක ගස ලොකු වෙනවා. කොළ හැළෙනවා, කොළ එනවා, මල් පිපෙනවා, ඍතු ගත වෙනවා. ඔය විදියට වසන්තය උදා වෙනවා. ගහ ජනපදයක් වෙනවා. කුරුල්ලෝ ඇවිල්ලා ගෙවල් හදාගන්නවා, බලූ කුමාරයා සියල්ලන්ගේ ආරකෂකයා වෙනවා.
එක් කාළකණ්ණි දවසක එයා ගහ ළඟට එනවා. අරන් ආව පොහොර සුපුරුදු ලෙස එක් කරනවා.......................ලොකු වෙනසක්.

ගහ එතැනින් ඉවත් කරලා.

එයාට හැම දේම කල්පනා වෙනවා. මිනිස්සු තමයි ගහේ කොලේ හතුරෝ. මෙයා වෛරය හිතේ තියාගෙන කොන්ක‍්‍රීට් පිරුණු නගරයට වේගයෙන් යනවා. හමු වෙන හැම මිනිහගෙන්ම පළි ගන්නවා.
හිතන්න පොඞ්ඩක්......... මේ පුංචි වීඩියෝ පටයෙන් අපිට කොයි තරම් දේවල් කියල දෙනවද?